Basic HTML-Version
92
Zwei Lechbrucker im Himmel
Was wend dir heut bei eis da hob,
fragt der Petrus glei ganz grob.
Wir sind zwoa Maurar dund vo Lech,
saget die zum Petrus frech.
Was soll i jetzt mit zwoa so Molle,
dir hättet doch no arbe solle.
Schwer hamer miase dund moloche,
noch isch dös alte Grüst nabroche.
Dund hand se gset, dös seis jetzt gwese,
bringet zwoa Sarg, an lange Bese.
Ma hot uns gschickt zu dir do rauf,
nimm bittschön uns im Himmel auf.
Do hoba weard jetzt nix mea baut,
do singet bloß no d' Engel laut.
Mir hand koan Stuhl, koan Tisch, koan Hockar,
die meiste nemmet dös ganz locker.
Mir hand koa Uhr und koan Kalender,
und hinda dund isch o koa Gländer.
Es gibt koan Zau und o koa Tür,
wenns uib it gfällt, ka nix derfür.
Dir müaßet jetzt do hob scho bleibe
und irgendwie die Zeit vertreibe.
Dir kennet gau so weit dir wend,
ihr findet nirgendwo a End.
Dir brauchet o koa Schua, koa Socke,
dir könnet auf a Wolke hocke.
Jetzt könneter mit scharfe Auge,
auf dös alte Lech naschauge.
Maurar gibts do dund no gnua,
bei mir hob hander uiber Rua.
Dir brauchet koane Stunda schreibe,
bei mir miaßet ihr jetzt ewig bleibe.
Jetzt bleibeter bei mir herob
und singet ausem Gotteslob.
Wir sind zwoa Maurar aus Lechbruck
und kommet ewig nimma zruck.